Partia “Maqedonia e Vetme” e cila udhëhiqet nga Janko Baçev, kërkon rrënimin e xhamisë me dy minare, e cila ndodhet në dalje të Shkupit rrugës për Tetovë.
Baçev në konferencë për shtyp tha se ekziston akt juridik për largimin e saj, ndërsa akuzoi kryetarin e Bashkisë së Shkupit, Petre Shilegov, se nuk vepron sipas të njëjtit.
Dokumenti për të cilin flet Baçev, është i Bashkësisë Islame e cila sipas tij, ka kërkuar vetë ta rrënojë xhaminë, pasi nuk është sipas planit urbanistik.
Ai shtoi se është katastrofë e dy partive më të mëdha maqedonase LSDM dhe OBRM-PDUKM, të cilat në 27 vitet e fundit sipas tij, shqiptarët i kanë kursyer nga zbatimi i ligjit.
