Cristiano Ronaldo tashmë dhe zyrtarisht i është bashkuar klubit Al Nassr nga Arabia Saudite. Ronaldo do të zhvillojë krijimtarin e tij të mbetur në ligën saudite, shkruan Periskopi.
Largimi i Ronaldos nga Manchester United nuk i siguroi atij një lëvizje në një tjetër klub evropian, edhe nëse kjo ishte ajo që ai fillimisht donte të bënte. Ai pretendoi se kishte oferta për të vazhduar të luante në Angli, por përfundoi duke u transferuar në Arabinë Saudit për t’u bërë atleti më i paguar në botë.
Ndërsa ai nuk ka bërë ende debutimin e tij për klubin, ai do të përballet me rivalin e vjetër Lionel Messi, në një ndeshje miqësore sot me fillim nga ora 18:00.
Sipas Athletic, kompania e inteligjencës sportive ‘Twenty First Group’ e rendit ish-skuadrën e tij United si ekipin e 17-të më të mirë në botë, ndërsa Al Nassr konsiderohet si i 308-ti më i mirë.
Kjo e vendos klubin më të ri të pesë herë fituesit të Topit të Artë në të njëjtin nivel me Luton Town dhe Sunderland në Championship.
Ekipet në ligën saudite janë shumë më të ulëta dhe renditen rreth 3000, gjë që i bën ato të krahasueshme me ekipet e ligës së katërt të futbollit anglez.
Sipas raportit, liga saudite është vetëm e 58-ta më e mira në botë, rreth nëntë vende më poshtë kampionatit skocez, por shumë mbi Serinë C në Itali.
