Rreth 20 mijë persona në mesin e të cilëve edhe gra dhe fëmijë në kryeqytetin e Kenias, Nairobi, falën namazin e Bajramit në fushën e futbollit, raporton Anadolu Agency (AA).
Për shkak se xhamitë në Nairobi janë të vogla dhe të pamjaftueshme, muslimanët falën namazin në fushat e sportit dhe oborret e shkollave.
Në fushën e blertë të Sir Ali Muslim Club u mblodhën rreth 20 mijë muslimanë që nga orët e parë të mëngjesit.
Kadiu i Nairobit, Shejh Rashid Ali Omer, në ligjëratën e tij tha se muslimanët gjithmonë duhet t’i ftojnë njerzit në vendet e tyre në paqe dhe qetësi.
Ndërsa 54 vjeçari Husejin Ali, i cili kishte ardhur në namazin e Bajramit, në deklaratën për AA tha se, duhet të lutet për të gjithë njerëzit anë e mbanë botës që vuajnë.
Në Kenia e cila me rreth 47 milionë banorë edhe pse ka më pak banorë muslimanë se sa të krishterë, qeveria ka njoftuar festë një ditore zyrtare.
