Gjatë dy ditëve të fundit në disa media dhe në opinion u përhapën lajme se Lëvizja Besa mund të largohet nga Qeveria, si dhe se në mbledhjen e Kuvendit Qendror do të diskutohet shkarkimi i ministrit të Politikës Sociale, Fatmir Limani. Po ashtu, u raportua edhe për diskutime rreth shkrirjes së VLEN-it në një parti të vetme, shkruan InfoShqip.
Megjithatë, InfoShqip mëson nga se këto çështje nuk janë pjesë e rendit të ditës së mbledhjes së sotme.
Sipas ftesës zyrtare që u është dërguar anëtarëve të Kuvendit Qendror për mbledhjen e XII-të, e cila do të mbahet më 12 shkurt në selinë qendrore në Tetovë, rendi i ditës përfshin vetëm tre pika:
1. Miratimi i procesverbalit nga mbledhja e XI-të e Kuvendit Qendror;
2. Diskutim mbi zhvillimet politike në vend;
3. Të ndryshme.
Në dokumentin e siguruar nga InfoShqip nuk përmendet as largimi nga Qeveria, as shkarkimi i ndonjë funksionari, e as çështja e shkrirjes së VLEN-it si pikë e veçantë e rendit të ditës.
Kjo tregon se raportimet e fundit për vendime konkrete në këtë drejtim nuk mbështeten në rendin zyrtar të mbledhjes, i cili sipas burimeve tona është shumë më i përgjithshëm dhe pa pika specifike për ndryshime në përbërjen qeveritare. /InfoShqip.com
