Kryetari i Aleancës për Shqiptarët, Ziadin Sela ka përcjell telegram urimi me rastin e Fitër Bajramit. Ai ka uruar që ky Bajram të sjell paqe e prosporitet për të gjithë.
Urimi i plotë:
“Zoti i pranoftë agjërimet dhe lutjet tona. Kjo ditë e veçantë sjelltë paqe, lumturi dhe prosperitet për të gjithë. Le të sjellë ky Bajram lumturi në zemrat dhe familjet tuaja. Është një ditë bekimi dhe paqeje, është një ditë për të reflektuar, është një ditë për të festuar bashkë me familjen!
Kësaj radhe nuk është momenti për të festuar Fitër Bajramin si herave të tjera. Kemi bërë një rrugë të gjatë prej në muajin mars dhe besoj se do të jemi ne fitues! Duhet të vazhdojmë të respektojmë, deri në fund, rekomandimet që na jepen! Në këtë ditë feste do t’i shmangim vizitat në familje për të mirën e të gjithëve.
Të qëndrojmë e të festojmë në shtëpi ! Kohën pa u takuar me familjarë do ta kompenzojmë menjëherë kur të përfundoje kjo situatë! Të durojmë edhe pak”, nënvizoi Sela.
