Tash kur janë numëruar mbi 95% të votave nga KQZ-ja, katër partitë që kanë fituar më së shumti vota del të jenë LVV, LDK, PDK dhe AAK. Në këto zgjedhje LVV del e para për nga numri i tërësishëm i votave të marra për kryetarë të komunave, e që numëron gjithsej 196,097 vota, kurse e dyta del të jetë LDK-ja me 180,344 vota të marra për kryetar të komunave, PDK-ja rezulton e treta me 171,163 vota të mara për kryetar të komunave, kurse e katra del AAK-ja me gjithsej 85,900 vota.
Në zgjedhjet nacionale LVV-ja kishte në total 438,335, kurse në këto zgjedhje lokale ka marrë 196,097 vota, LDK-ka në zgjedhjet nacionale kishte 110,985, kurse në këto zgjedhje ka marrë 180,344, PDK-ja në zgjedhjet nacionale i kishte 148,285, kurse në këto zgjedhje ka marrë 171,163 vota dhe AAK-ja në zgjedhjet nacionale kishte 62,111, kurse në zgjedhjet lokale të 17 tetorit ka marrë 85,900 vota.
Nga ky krahasim del se që nga zgjedhjet e nacionale të 14 shkurtit vetëm LVV-ja ka shënuar rënie të votës, ndërsa tre subjektet tjera LDK, PDK dhe AAK kanë shënuar rritje të votës së përgjithshme. /InfoShqip
