La Amerikën dhe zgjodhi Shqipërinë, pse

Whitney ka 7 vite në Shqipëri. Erdhi si vullnetare në Lushnjë, por vendi ynë ja mori zemrën. Ajo thotë se nuk është përballur me racizëm këtu, përkundrazi, njerëzit impresionoheshin prej saj.

Dashurinë që ka për Shqipërinë, mundohet ta shprehë në çdo formë.

Ka gjetur një familje që në vendin e saj, Amerikën nuk është dhe aq e lehtë.

“Familja është më e fortë se në Amerikë, më e bashkuar dhe shumë e bukur. Kam jetuar në Gorrenjë, në fshat dhe luajmë për 4 orë ose 5 orë me të rinjtë dhe ditën tjetër njerëzit thonë o Whitny hajde të fusha. Kjo është pikë e fortë, shumë e bukur, edhe njerëzit shumë zemërbutë”, tregon Whitney.

Midis gjithë këtyre të mirave, nuk ka sesi të mos mungojnë dhe disa gjëra që për të duhen përmirësuar.

“Ka shumë plehra, kjo nuk është mirë. Është vendi yt, pse nuk e mban pastër”, apelon ajo.

Teksa bisedojmë na tregon se nuk është në planet e saj të largohet nga Shqipëria.

“Unë nuk kam shumë para, s’ka nevojë për shumë para këtu. Këtu ka ushqim të mirë për pak lekë”, thotë Whitney.

Ndryshe nga të rinjtë shqiptarë, Whitney ka arritur të gjejnë më të mirën e Shqipërisë.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu