Profesori universitar dhe analisti politik, Blerim Latifi ka thënë se ka marrë vesh prej një burimi të mirëinformuar se Serbia me ndihmën e Rusisë, pothuajse ka arritur ta bindë një shtet të madh dhe të rëndësishëm për tërheqjen e njohjes së Kosovës.
Latifi përmes një postimi në Facebook, shkruan se, edhe pas kësaj, kryeministri shqiptar Edi Rama, po e paraqet Vuçiqin si lider i progresit në Shkup.
Latifi edhe pse e din emrin për cilin shtet bëhet fjalë, nuk e ka përmendur.
Pas kësaj, Latifi shprehet se neve nuk na mbetet tjetër veç ti hedhim sytë nga Amerika për të na shpërtuar nga një fatkeqësi tjeter e madhe diplomatike.
Postimi i plotë:
“Para disa ditësh, prej një burimi të mirëinformuar, e mora vesh se Serbia, me ndihmën e Rusisë, pothuajse ia ka arritur ta bindë një shtet të madh e të rëndësishëm për ta tërhequr njohjen e Kosovës, ndërsa Edi Rama, midis Shkupit, na e paraqet Vuçiqin si lider progresi, si lider që po punon për mirëqenien e Ballkanit.
Burimi i informatës ma dha edhe emrin e shtetit, por m’u lut të mos e them publikisht.
Ndërkaq, neve s’na mbetet tjetër përveçse edhe njëherë t’i hedhim sytë nga Amerika, për të na shpëtuar nga një fatkeqësi tjetër e madhe diplomatike, e përgatitur me aq mund dhe gjatë nga lideri i Open Balkan, miku i Ramës dhe armiku ynë numër një, Aleksandër Vuçiq.“- tha ai.
