Ministria e Arsimit e Malit të Zi ka vendosur prej dje që deri në fund të javës mësimi në të gjitha shkollat e mesme dhe fillore në atë vend të zhvillohet përmes internetit.
Vendimi vjen pasi dy ditë radhazi u evakuuan të gjitha institucionet arsimore për shkak të njoftimeve të rreme për bomba të vendosura, përcjell INA.
Siç është bërë e ditur, ky vendim është marrë me rekomandim të Drejtorisë së Policisë së Malit të Zi dhe për nxënësit sigurohet vazhdimësia e mësimit.
Në adresat e internetit të shkollave fillore dhe të mesme dy ditët e fundit kanë ardhur mesazhe kërcënuese se janë vendosur bomba, pas së cilës mësimi është ndërprerë dhe nxënësit janë evakuuar.
Mesazhet erdhën nga adresa e emailit Richard Ramirez dhe autori e identifikoi veten si Vladislav Pozdnyakov i grupit ekstremist rus Male State.