Jo konsullatë serbe në Shkodër!
Në Shkodër nuk ka minoritet serb. Nuk ka! Në Vrakë ka një pakicë modeste malazeze të njohur zyrtarisht nga shteti shqiptar, por kaq. Çdo projekt për hapjen e një konsullate serbe në qytetin me histori të lashtë, Shkodër, është i papranueshëm!
Lugina e Preshevës, Bujanoci dhe Medvegja janë troje shqiptare, të banuara nga shqiptarë dhe kanë të drejtë ta kenë shtetin shqiptar pranë; ky është një detyrim kushtetues. Madje, Tirana zyrtare nuk e ka zbatuar kurrë seriozisht këtë detyrim.
Nuk mund të konsiderohet reciprocitet kërkesa e shtetit shqiptar për hapjen e një konsullate në Luginën e Preshevës me hapjen e një konsullate serbe në Shkodër. Serbia nuk ka asnjë lidhje me Shkodrën dhe asnjë minoritet serb në këtë qytet. Ndaj, mos e teproni!
