Barcelona dëshiron të largojë disa lojtarë për të ulur nivelin e pagave dhe mes të sakrifikuarve do të jetë edhe Clement Lenglet.
Mbrojtësi i Francës nuk ka mundur të jetë titullar në sezonin e shkuar dhe talente si Ronald Araujo dhe Oscar Mingueza i morën vendin.
Me ardhjen edhe të Eric Garcias dhe praninë e Gerard Pique, bëhet edhe më e vështirë. Në këto kushte largimi është versioni i vetëm i zgjidhjes.
Mediet europiane raportojnë se e ardhmja e Lenglet është në Premier League. Everton e West Ham janë në bisedime me Barcelonën për huazimin e mbrojtësit.
