Me gjithë përpjekjet Kosova mposhtet nga Çekia, humb gjasat për kualifikimet për në Euro 2020

Kosova edhe pse ishte në epërsi, nuk arriti ta mbajë rezultatin për tu pajtuar me një humbje minimale me rezultati 2-1 ndaj Çekisë. Kjo me këtë humbje eliminohet në garë për kualifikimin në Kampionatin Evropian. Kosova nuk e nisi ndeshjen aq mirë për ne, pasi çekët rrezikuan që në minutën e 6-të me Micheal Krmernic gjuajti me kokë, por Arijanet Muriq me një pritje madhështore ia mohoi golin.

Edhe në minutën e 18-të ishte Vladimir Coufal që me një depërtim nga e djathta futet në zonë dhe gjuan me të majtë, por jashtë porte. Cekët kishin raste edhe në minutat e 24 dhe 25 me Jakub Jankto dhe Tomas Soucek, por që Muric në të dyja rastet ishte në vend.

Pas këtyre rasteve ndeshja në fundin e pjesës ishte me e qetë, ku edhe ne provuam një herë me një harkim, por që Atdhe Muriqi nuk arriti të gjuajë. Pjesa e parë u mbyll me këtë rezultat dhe me një Kosovë që luante zbehtë.

Pjesa e dytë nisi krejt me ndryshe, ku ndodhi edhe një zëvendësim. Anel Rashkaj u largua nga loja, ndërsa në vend të tij u fut Besar Halimi. Në minutën e 48-të Amir Rrahmani gjuan bukur nga jashtë zone, por gjuajtja e tij shkoi ngjitur me shtyllën.

Në goditjen e dytë arritën ta gjejmë golin në minutën e 50-të. Një pasim i mirë nga Halimi te Hadërgjonaj në krahë, ku ky i fundit harkon bukur në zonë, e ku Atdhe Nuhiu gjuan bukur me kokë për 1-0. Festë e madhe në tribuna, aty ku gjendeshin Dardanët, ku me ta u bashkuan edhe lojtarët tanë.

Momente ankthin për ekipi tonë në minutën e 67-të, kur Tomas Soucek shënon, por paraprakisht e kishte dëmtuar portierin tonë Muriq. Goli anulohet nga gjyqtari Gianluca Rochi.

Por cekët menjëherë pas tre minutash e gjejnë golin e barazimit Një goditje nga jashtë zonës e Alex Kral përfundoi në portën tonë (1-1). Pas golit çekët radhitën disa raste para portës, por Muriq vazhdoi me paraqitje të mirë.

Minuta e 79-të ishte fatale për ne. Pas një tollovie në zonë, Kral gjuan, ndërsa topin e devijon Celustka, që përfundon në portë (2-1). Në minuta e fundit djelmoshat tanë u munduan të rikuperojnë diçka, por nuk arritën të shënonin.

Me këtë humbje Kosova mbetet me 11 pikë, ndërsa Çekia me 15 pikë e siguron kualifikimin. Kosovës i mbetet që përmes play-offit të Ligës së Kombeve ta sigurojë kualifikimin.

Video:


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu