Fondacioni “Konrad Adenauer” ka lëshuar kritika të forta për VMRO-DPMNE-në në një analizë të publikuar sot në faqen zyrtare në internet, ku përmendet mungesa e reformave, zhvlerësimi i institucioneve të shtetit, sulmet ndaj ambasadorëve të vendeve perëndimore etj.
Në analizën me titull: “Populli vendosi” theksohet se zgjedhjet e 11 dhjetorit edhe pse ishin deri më tani më demokratike, nuk sollën stabilitet në vend. Përkundrazi, ditët që kaluan ishin shembull të një sjelljeje jo demokratike.
“Krizës në shtet nuk po i shihet fundi. Pasojat mund të jenë edhe destabizim” shruan autori i këtij dokumenti Johanes Rej. Fondacioni Konrad Adenauer” është formuar nga Unioni Kristian-Demokratik (CDU) – partia e kancelares Angela Merkel, dhe tradicionalisht e ka përkrahur partinë simotër në Maqedoni VMRO-DPMNE, madje edhe duke trajnuar kuadrot e saja dhe duke dhënë këshilla për fushatë. Por me sa duket, partnerët gjermanë kanë humbur shpresat në kapacitetin demokratik të partisë që qeveris mbi 10 vite Maqedoninë.
