Kancelari gjerman Friedrich Merz tha sot se Rusia do ta përfundojë luftën në Ukrainë vetëm nëse nuk mund të zhvillojë më luftë për arsye ekonomike dhe ushtarake, pasi përpjekjet diplomatike për t’i dhënë fund konfliktit kanë dështuar.
“Përgjigja ndaj përpjekjeve diplomatike të javëve të fundit ka qenë një qasje edhe më agresive nga regjimi në Moskë ndaj popullit të Ukrainës. Kjo nuk do të ndalet derisa të sigurohemi që Rusia nuk mund ta vazhdojë më luftën për arsye ekonomike, ndoshta edhe ushtarake”, tha Merz.
Shefi i Shtabit të Përgjithshëm të Ushtrisë Ruse, Valery Gerasimov, tha sot se forcat e tij janë në një ofensivë të vazhdueshme përgjatë pothuajse të gjithë gjatësisë së frontit në Ukrainë dhe se kanë një “iniciativë strategjike”.
