Ylli i futbollit Lionel Messi të premten në një intervistë për mediumin argjentinas “Infobae”, ka befasuar me përgjigje për skuadrën më të mirë në botë aktualisht.
Messi u shpreh se Real Madridi është skuadra më e mirë sipas rezultateve.
“Ekipi më i mirë është Real Madridi. Ai është kampioni i fundit i Ligës së Kampionëve. Nëse flisni me rezultate, është Madridi”, u shpreh Messi.
Legjenda e Barcelonës tutje ka theksuar se skuadra që e pëlqen është Manchester City në krye me Pep Guardiolën.
“Personalisht më pëlqen City i Guardiolës dhe mendoj se çdo skuadër ku është Guardiola do të jetë e veçantë për mënyrën se si ai është, mënyra se si stërvitet dhe mënyra se si punon. Ai i bën ekipet e tij të luajnë lojë të bukur. Në nivelin e lojës për mua, City është më i miri, si rezultat Madridi”, ka thënë argjentinasi.
