Hristijan Mickoski, kryetari i VMRO-DPMNE-së vlerëson se nuk duhet të ketë zgjedhje derisa numërojmë të vdekur dhe të sëmurë nga virusi korona, transmeton Portalb.mk.
“Tash për tash zgjedhje nuk duhet të kemi, sepse akoma shëndeti i qytetarëve është i rrezikuar dhe në rrezik”, deklaroi Mickovski.
Ai thekson se 70% e qytetarëve janë deklaruar kundër zgjedhjeve në këto moment.
“Momentin e parë kur të kuptojmë se kemi kaluar pandeminë, se nuk ka rrezik për shëndetin e qytetarëve, kur nuk do të numërojmë në fushatë raste të reja, ose persona që e kanë humbur jetën”, e vlerëson Mickovski si moment të duhur për mbajtjen e zgjedhjeve.
Ndryshe, Goran Sugareski, Ministri i Transportit nga LSDM-ja dhe zëdhënësi i kësaj partie, Kostandin Kostandinov vlerësojnë së zgjedhjet duhet të mbahen sapo të krijohen kushtet shëndetësore.
“Me lirimin e masave të cilat po ndodhin dhe do të ndodhin javën e ardhshme, dhe kur do të krijohen kushte, jemi të mendimit të mbahen zgjedhjet e parakohshme parlamentare”, deklaroi Sugareski.
Qëndrim të njëjtë dha edhe zëdhënësi i partisë së tij, Kostadinov, i cili tregoi edhe qëndrimin e partisë.
Më herët edhe edhe Radmilla Shekerinska, Ministrja e mbrojtjes së Maqedoninë e Veriut vlerëson se shteti duhet të përgatite edhe për valën e dytë të epidemisë, ndërkohë duhet të realizon Zgjedhje sapo të krijohen kushtet.
“Ne besojmë se është përgjegjësi kryesore e shtetit ta sigurojë funksionimin e plotë të institucioneve dhe të përgatitet për valën e dytë të epidemisë. Prandaj, qëndrimi ynë ishte menjëherë sa të krijohen kushtet, menjëherë sapo epidemia të na japë një shans t’i organizojmë zgjedhjet, atë edhe ta bëjmë”, theksoi Shekerinska.
