Misteri i luftanijes më të madhe e vitit 1600 u fundos 20 minuta pas udhëtimit të parë, 400 vjet më pas askush nuk e di pse

E konsideruar si luftanija më e madhe në vitin 1628, Vasa u mbyt brenda 20 minutave të udhëtimit të saj të parë, ndërsa 400 vjet më vonë, askush nuk e di pse. Vasa u ndërtua në kohën e Mbretit Gustav II Adolf, ishte 68 metra e gjatë dhe mbante 54 topa zjarri, ndërsa cilësohej të ishte anija më teknologjike e kohës së saj në botë.

Anija e cila tashmë është bërë muzeu më i vizituar në të gjithë Skandinavinë, qëndroi në fund të detit për rreth tre shekuj, ndërsa arkeologët që e zbuluan atë thonë se anija u mbyt 20 minuta pasi filloi udhëtimin e saj, duke vrarë 30 pasagjerë.

Historia e fundosjes së shpejtë të Vasës njihet si një nga dështimet më kolosale dhe misteret më të mëdha në historinë detare arkitekturore.

Pas fundosjes së papritur, një kërkim përcaktoi që anija ishte e paqëndrueshme, arsyet e paqëndrueshmërisë, megjithatë, ende po diskutohen sot.

Disa historianë besojnë se anija ishte projektuar gabimisht, të tjerë arsyetojnë se pesha e fuqisë së zjarrit të anijes ishte shpërndarë në mënyrë jo të duhur.

Kur u ndërtua, Vasa ishte zbukuruar me gdhendje të ndërlikuara prej druri që tregonin histori për familjen mbretërore suedeze.

Kur u tërhoq nga gjiri në vitin 1961, ekspertët vlerësuan se 98% e drurit origjinal të anijes ishte akoma i paprekur, duke e bërë atë anijen më të ruajtur në botë të shekullit 17’të.

Tani kjo anije ndodhet në Muzeun Vasa të Stokholmit, e cila njihet si dështimet më të mëdha kombëtare ndonjëherë sa i përket arkitekturës.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu