Friedhelm Adolfs, një duhanpirës i pensionuar, i cili u bë i famshëm për përpjekjen e tij të gjatë ligjore për të mos u larguar nga banesa, vdiq në moshën 79 vjeçare.
Sipas mediave të huaja, përcjell Telegrafi, bëhet fjalë për Adolfs i cili pësoi një sulm në zemër dhe vdiq të hënën në spital.
Sipas mediave, vitin e kaluar Adolfs përfundoi me sukses një betejë ligjore katërvjeçare për të qëndruar në një apartament me qira, ku jetonte për 40 vjet.
Pronari i banesës ishte duke u përpjekur që ta largonte nga aty “duhanpirësin i pacipë”, duke pretenduar se i pengonte fqinjët e tij dhe duke rrezikuar shëndetin e tyre.
Gjykata e Düsseldorf, megjithatë, nuk gjeti prova të mjaftueshme bindëse për këto akuza.
Madje, siç thuhet më tej, në çdo seancë gjyqësore, Adolfs dilte për të ndezur nga një cigare, para ndërtesës së gjykatës. /Telegrafi/
