Mediat në gjuhën shqipe shpekulojnë se nëse VMRO-DPMNE nuk arrin të formojë qeveri me BDI-në, Ivanov ka gjasa të jep dorëheqje, me qëllim që mos të i’a jep mandatin Zaevit, gjë e cila do ti sjellte zgjedhje të reja, shkruan DW.
Me nënçmime, kërcënime, dhe forma të tjera të presionit VMRO-DPMNE do të përpiqet të bëjë presion mbi BDI-në për të siguruar mbështetjen e tyre për formimin e qeverisë, ose në të kundërtën – të përfundojë në zgjedhje të reja, prognozojnë burime nga partia e Ahmetit. Tani për tani nuk ka komentime për këto lloj parashikime nga lideri i BDI-së, i cili mbrëmë e kishte takimin e parë zyrtar me mandatarin për formimin e qeverisë, Nikolla Gruevski.
Pas takimit u paraqitën raporte të ngjashme nga të dy partite, pa shumë detaje nga bisedat.
“Kryetarët e BDI dhe VMRO-DPMNE, Ali Ahmeti dhe Nikolla Gruevski, realizuan takim ku theksi i bisedimeve ishte vënë në dy pika – analiza e rezultateve nga zgjedhjet e 11 dhjetorit të cilat ishin të vlerësuara si të lira, fer dhe demokrate, si dhe analiza e situates aktuale politike. Të dy liderët shkëmbyen mendime për situatën aktuale politike pas zgjedhjeve dhe për sfidat e ardhshme në atë plan”, deklaruan të dy partite.
