Në tërë botën deri më tani janë prekur 145.374 persona nga koronavirusi COVID-19, ndërsa janë shëruar më shumë se 50 % e tyre, apo saktësisht 71.694 persona.
Koronavirusi COVID-19, tani më është përhapur në tërë globin si dhe është shpallur si pandemi nga Organizata Botërore e Shëndetit.
Dje edhe në Kosovë janë zyrtarizuar rastet e para të njerëzve të infektuar me koronavirus. Një 22 vjeçare dhe një 77 vjeçar janë dy personat e parë që kanë dalë pozitiv me virusin i cili burimin e kishte në Kinë.
Deri më tani në tërë botën janë konfirmuar 145. 374 raste me koronavirus, ku numrin më të madh të të prekurve e ka Kina me 80.971 raste, derisa Italia është e dyta në botë me 17.660 persona të prekur nga koronavirusi.
Nga 145. 374 persona të infektuar në gjithë botën me COVID-19, 71.694 persona janë shëruar plotësisht.
Ndërkaq numri i atyre që kanë përfunduar me vdekje është 5.429 persona, ku Kina dhe Italia kanë numrin më të madh të viktimave.
KËTU mund ta shihni live gjendjen e përhapjes së koronavirusit në tërë globin.
