Papa Leo XIV emëroi Luigi Biancon si Nunc Apostolik në Slloveni dhe Delegat Apostolik në Kosovë. Kjo raportohet nga mediat e Vatikanit, të cilat e bëjnë të qartë se Selia e Shenjtë vazhdon politikën e saj të vjetër ndaj Prishtinës zyrtare.
“Vatikani nuk e njeh pavarësinë e Kosovës dhe në të kaluarën ka mbështetur dialogun dhe moderimin në konfliktin me Serbinë. Rajoni, i cili është i banuar kryesisht nga shqiptarë etnikë, shpalli pavarësinë e tij nga Serbia në vitin 2008. Nga afërsisht një milion e gjysmë banorë, rreth 250,000 kosovarë i përkasin Kishës Katolike, shumica prej të cilëve janë shqiptarë etnikë”, shkruan Vatican News. Selia e Shenjtë thekson se situata midis Kosovës dhe Serbisë është stabilizuar kryesisht që nga lufta, shkruan A2 CNN.
“Megjithatë, dhuna dhe konflikti janë rikthyer kohët e fundit, veçanërisht në veriun e Kosovës me shumicë serbe. UNESCO e sheh trashëgiminë kulturore ortodokse të krishterë të Kosovës në rrezik”, thuhet në raportin e Vatican News.
