Një zjarr i rënë është bërë shkak për shkatërrimin e strukturave kryesore të Kështjellës Shuri, pjesë e Trashëgimisë Botërore Unesco në ishullin jugor të Japonisë, Okinawa.
Zjarrfikësit në vendin e ngjarjes luftuan me flakët për më shumë se 10 orë dhe arritën që t’i shuanin vetëm pasditen e së enjtes. Deri më tani nuk raportohet për të lënduar.
Kështjella prej druri, e ndërtuar 500 vite më parë, u shkatërrua pothuajse e gjitha gjatë Luftës së Dytë Botërore. Struktura e përfshirë nga flakët ishte rikonstruktim i origjinales.
Kështjella ka shërbyer si kampus për universitetin më të madh publik të Okinawa-s deri në vitet ’70 dhe prej atëherë ka qenë një atraksion i populluar turistik.
Zjarri raportohet të ketë nisur pak përpara orës 02.40 me orën lokale, të enjten. Akoma nuk dihet se në çfarë rrethanash ka nisur zjarri.
