Gjykata turke ka hequr masën e arrestit shtëpiak për këngëtaren e njohur, Gulsen. Këngëtarja e muzikës pop, e njohur dhe si “Madonna e Turqisë”, u akuzua për “nxitje të urrejtjes” për një shaka që ajo bëri në skenë për shkollat fetare në vend. Ajo u arrestuar por më pas u la në arrest shtëpiak.
Pavarësisht se u lirua nga arresti shtëpiak të hënën, Gulsen do të ketë ende një ndalim udhëtimi në fuqi, sipas avokatit të saj. Akuzat lidhen me një video që qarkulloi nga një koncert në prill, kur ajo bënte shaka për një nga muzikantët. “Ai u diplomua në Imam Hatip nga vjen ana e tij perverse,” tha ajo.
Para arrestimit të saj, Gulsen lëshoi një deklaratë në mediat sociale, duke thënë se i vinte keq që komentet e saj po përdoreshin për të nxitur ndarje të mëtejshme. Seanca e parë e gjyqit është caktuar për 21 tetor. Nëse shpallet fajtore, Gulsen përballet me tre vjet burg.
Kritikët thonë se gjykatat e Turqisë marrin udhëzime nga qeveria dhe aleatët e saj. Qeveria thotë se gjykatat janë të pavarura.
