Kontrolli i Brendshëm i Ministrisë së Punëve të Brendshme ka pezulluar edhe 11 policë, në mesin e të cilëve pesë shqiptarë, vendim ky që lidhet me ngjarjet e 27 prillit në Parlamentin e Maqedonisë.
Gordan Gjorgjievski, Darko Janevski, Suat Beqiri, Rafet Bialli, Berat Veliovski, Ekrem Kurtishi, Ivan Manasiev, Ilham Mustafa, Kiro Nikoloski, Vesna Slamkova dhe Vele Talevski janë njëmbëdhjetë policët e Sektorit të Punëve të Brendshme në Shkup që u suspenduan ditë më parë, njofton gazeta Koha.
Raportohet se vendimi vjen pas shqyrtimit të punës së secilit polic natën e përgjakshme të Parlamentit, ku protestuesit e iniciativës “Për Maqedoni të përbashkët” u futën dhunshëm në Parlament dhe sulmuan deputetët dhe gazetarët. /albeu.com/
