Plas skandali: Partneri i Air Albania mashtron biznesmenin turk

Mediat turke kanë raportuar sot masivisht për një skandal. Biznesmeni i famshëm, Adnan Polat është mashtruar nga biznesmeni shqiptar, Sinan Idrizi, partner i Air Albania. Kështu shkruan gazeta Hurriyet.

Sipas saj, Idrizi i ka marrë paratë Polat me premtimin se do blinte një kompani nafte.

Tani ai nuk ka as kompani dhe as paratë.

Biznesmeni i famshëm i Gallatasarajit ka depozituar një padi në prokurorinë e Stambollit kundër partnerit të Air Albania, shkruan gazeta.

Sipas saj, Polat ishte në Shqipëri për biznes, kur u takua me partnerin e Air Albania, Sinan Idrizi.

Ky i fundit i tha se është një kompani, e quajtur Global Fluids International që po ecën mirë në Shqipëri dhe se mund ta ndihmonte për ta blerë kompaninë.

Biznesmeni shqiptar i mori 3.5 mln dollarë si depozitë. Pikërisht kjo shumë i është zhdukur biznesmenit turk, ndaj ai ka vendosur të ngrejë padi.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu