Komb maqedonas kurrë nuk ka pasur, thotë kryeministri grek, Aleksis Cipras për numrin javor të gazetës “Etnos”. Ai flet në mënyrë të detajuar për çështjen e emrit.
“Kombi maqedonas asnjëherë nuk ka ekzistuar në kohën antike, ashtu siç nuk kanë ekzistuar kombet e athinasve dhe spartanëve. Maqedonia antike ishte një fuqi e madhe e botës antike greke, e cila u zgjeruar në kohën e Aleksandrit të Madh, më tepër se territori i sotëm gjeografik i Maqedonisë”, theksoi Cipras, transmeton INA.
Ai sqaroi se pas shekullit 7 e më tej, në këtë territor janë shpërngulur përveç grekëve edhe sllavët, bullgarët, serbët, hebrenjët, otomanët, etj.
Por ka reaguar me një postim në facebook, ministri i jashtëm Nikolla Dimitrov, duke dhënë një mesazh diplomatik.
“Gëzim ndaj humbjes suaj, le të jetë edhe i rrejshëm! Ndërtimi i urave dhe miqësisë kërkon mençuri, përgjegjësi dhe durim! Na duhet mjeshtëria e mjeshtërve të vjetër të filigranit.Bërja dhe ushqimi i armiqësisë është e lehtë, por e dëmshme. Patriotizmi nuk është një shpërthim i shkurtër i pakontrolluar i emocioneve, por një angazhim i qetë dhe konstant gjatë gjithë jetës suaj”, ka cituar Dimitrov pjesë të thënies së ish-diplomatit dhe politikanit të mirënjohur amerikan Adlai Stivenson. Këto mesazhe si duket po e rëndojnë
procesin e zgjidhjes së kontestit të emrit. (INA)
