Një ngjarje e pazakontë ka ndodhur në Georgia të Shteteve të Bashkuara, ku një polic ka ngatërruar revolen me plumba me atë elektrike, dhe si pasojë e kësaj ngatërrese ka plagosur një adoleshent në krah.
Kamerat e sigurisë të vendosura në uniformat e policisë, shfaqin momentin kur polici qëllon, dhe personi i plagosur dëgjohet duke thënë, “oh Zot më qëlloi”, transmeton Telegrafi.
Charles Gillis ishte njëri nga tre policët që iu përgjigjen një telefonate gjatë 9 tetorit. Gillis ishte munduar të “neutralizoi” 18-vjeçarin Jamel Jackson, nëna e të cili kishte kërkuar ndihmë pasi që biri i saj e kishte goditur në fytyrë.
Si pasojë e mos bashkëpunimit mes të riut Jackson dhe policisë, ata deshën ta qetësojnë situatën duke e goditur me revole elektrike, por polici e ngatërroi atë me revolen e vërtetë, duke e plagosur.
Ekipi i hetuesve kanë deklaruar për mediat se qëllimi i policit ishte përdorimi i revoles elektrike, por në një moment kaosi e ngatërroi me revolen e vërtetë me plumba. /Telegrafi