Presidenti Kuban Miguel Diaz Canel tha sot se Shtetet e Bashkuara janë një “shtet i dështuar” dhe jo Kuba. Kështu reagoi ai ndaj komenteve të presidentit amerikan Joe Biden pas protestës në ishullin e Karaibeve. Biden e quajti Kubën një “shtet të dështuar që shtyp shtetasit e saj”, transmeton InfoShqip.
“Një shtet i dështuar është ai që, për të kënaqur pakicën reaksionare dhe shantazhuese, është në gjendje të dëmtojë 11 milion njerëz “- theksoi Diaz Canel.
Zyrtarë kubanë dhe analistë të shumtë besojnë se politika amerikane ndaj Kubës drejtohet nga komuniteti anti-komunist i pakicës kubano-amerikane, e cila ka një ndikim të fortë në shtetin e Florida, dhe jo mbi interesat e njerëzve të atij shteti Karaibe.
Administrata Kubane akuzon Shtetet e Bashkuara si përgjegjëse për protestat që shpërthyen fundjavën e kaluar. Diaz Canel theksoi se Shtetet e Bashkuara dështuan në qëllimin e tyre për të shkatërruar Kubën, pavarësisht se kishin shpenzuar miliarda dollarë për ta bërë këtë./InfoShqip.com
