Adem Demaçi mbrojtësi i të drejtave dhe lirive të njeriut, që udhëhoqi rezistencën kombëtare të Kosovës, vdiq dje në moshën 82-vjeçare.
Është mediumi New York Times ndër shumë mediume të tjera botërore që ka raportuar për vdekjen e qëndresës kombëtare shqiptare.
Gjatë seancës së sotme nënkryetari i parlamentit Xhavit Haliti, e ndërpreu seancën duke thënë se “Mësuesi ynë i cili kaloi 28 vjet burgim, është ndarë fizikisht nga ne” . Pas kësaj deputetët mbajtën një minutë heshtje.
E në nderim të veprës së Adem Demaçit, presidenti Hashim Thaçi ka shpallur tri ditë zie.
Demaçi u arrestua tri herë nga regjimit komunist i atëhershëm jugosllav dhe kaloi 28 vjet burg.
Në vitin 1991, ai u nderua me Çmimin Saharov të Parlamentit Evropian për Lirinë e Mendimit dhe në vitin 2010 mori Urdhrin Hero i Kosovës.
Ai ishte, gjithashtu, për një kohë përfaqësues politik i Ushtrisë Çlirimtare të Kosovës gjatë viteve 1998-1999.
Demaçi i cili studioi për letërsi, drejtësi dhe arsim, njihej si shkrimtar, sidomos me novelën e tij të titulluar “Gjarpinjtë e gjakut”, të vitit 1958.
Pas luftës, Demaçi mori pjesë në politikë, ku mbajti disa poste në media dhe u përfshi më shumë në mbrojtjen e të drejtave të pakicave.
