Raporti i ri nga epidemiologët: Pandemia e koronavirusit ka mundësi të zgjasë dy vjet

Pandemia e koronavirusit ka të ngjarë të zgjasë për dy vjet dhe nuk do të kontrollohet derisa rreth dy të tretat e popullsisë së botës të jenë imune, tha një grup ekspertësh në një raport.

Për shkak të aftësisë së tij për t’u përhapur nga njerëzit që nuk duken se janë të sëmurë, virusi mund të jetë më i vështirë për tu kontrolluar sesa gripi, shkaku i shumicës së pandemive në historinë e fundit, sipas raportit nga Qendra për Hulumtim dhe Politikë të Sëmundjeve Infektive ( Cidrap) në Universitetin e Minesota.

Njerëzit mund të jenë në fakt më të infektuarit para shfaqjes së simptomave, sipas raportit.

Pas bllokimit të miliarda njerëzve në të gjithë botën për të minimizuar përhapjen e tij nëpër vende, qeveritë tani po lejojnë me kujdes që bizneset dhe vendet publike të rihapin.

Sidoqoftë, pandemia e koronavirusit ka të ngjarë të vazhdojë në valë që mund të zgjasin përtej vitit 2022, thanë autorët.

“Mesazhet e komunikimit të rrezikut nga zyrtarët qeveritarë duhet të përfshijnë konceptin se kjo pandemi nuk do të përfundojë së shpejti,” thanë ata, “dhe se njerëzit duhet të jenë të përgatitur për rishfaqje të mundshme periodike të sëmundjes gjatë dy viteve të ardhshme.”

Zhvilluesit po nxitojnë të bëjnë vaksinat që mund të jenë në dispozicion në sasi të vogla këtë vit.

Raporti është shkruar nga drejtori i Cidrap, Michael Osterholm dhe drejtori mjekësor Kristen Moore, historiani i shëndetit publik të Universitetit Tulane John Barry dhe Dr Marc Lipsitch, një epidemiolog në Shkollën e Shëndetit Publik në Harvard.