Në fshatin Erekovci të komunës së Prilepit, dje më 5 tetor 2018, është djegur xhamia e vjetër 350 vjeçare. Indiciet e para që vijnë nga vendasit si dhe nga këshilli i Xhamisë së Kanatllarcit flasin për zjarrvënie të qëllimshme ku rasti është paraqitur në polici, shkruan InfoShqip.com
Rijaseti i BFI në RM e dënon ashpër këtë akt barbar kurse nga organet kompetente policore kërkon që urgjentisht t’i gjejnë autorët e këtij akti racist dhe të shkrumbohet njëherë e mirë “dora e zezë” që turret t’i vë flakë xhamive.
Gjithashtu, BFI nga institucionet përkatëse shtetërore kërkon që këtë Shtëpi të Zotit, këtë vlerë të trashëgimisë kulturore e shpirtërore, sa më parë ta ngrisin duke ua siguruar atyre banorëve myslimanë të Erekovcit Xhaminë ku do të vijojnë t’i kryejnë obligimet fetare ashtu siç i kanë kryer shekuj me radhë. /InfoShqip.com
