Disa replika të ashpra kanë ndodhur në mes të kryetares së Kuvendit të Kosovës, Vjosa Osmani dhe zëvendëskryeministrit të Qeverisë, Driton Selmanaj.
Përplasja ndodhi rreth disa nismave ligjore për pandeminë e coronavirusit, transmeton Telegrafi.
Selmanaj në fjalimin e tij pohoi se Osmani mund të sjell nismat ligjore për pandeminë e coronavirusit dhe se do të ketë mendimin e Qeverisë për këto.
“Zonja kryetare me Kushtetutë keni të drejtë të sjellin nisma ligjore, nëse sillni për mendim keni të drejtë të merrni mendimin e Qeverisë”, tha Selmanaj.
Kjo bëri që të reagojë kryeparlamanetarja Osmani, ajo tha se nismat ligjore ka kohë që janë dërguar për opinionin qeveritar, por që këto nisma janë bllokuar.
“Unë sinqerisht nuk po u besoj veshëve se çfarë dëgjova, zv.kryeministri thotë sillni në qoftë së dëshironi me i inicu, sillni për opinion, ka kohë që i kemi sjellë në qeveri për opinion, ka kohë që ky kuvend i ka inicu tri nisma legjislative, prej 25 marsi deri më 3 qershor i keni blloku ju që po thoni është i njëjti popull, po pra është i njëjti popull dhe unë ju kërkova që të sillni nismat që i ka inicu ky kuvend, mos i shikoni emrat”, deklaroi ajo.
Video:
