Një helikopter rus i llojit Ka-52 është rrëzuar gjatë një fluturimi rutinë në lindje të Sirisë. Mediat ruse, duke iu referuar Ministrisë së Mbrojtjes, shkruajnë se të dy pilotët kanë vdekur.
“Helikopteri rus Ka-52 është rrëzuar gjatë një fluturimi rutinë mbi rajonet lindore të Republikës Arabe të Sirisë. Të dy pilotët u vranë “, njoftonte Ministria zyrtarisht.
Trupat e pilotëve janë gjetur nga një ekip kërkimi dhe shpëtimi dhe janë dorëzuar në aeroport.
Sipas të dhënave paraprake, rrëzimi ishte shkaktuar nga një problem që pësoi helikopteri, tha ushtria ruse.
