Siç mëson Almakos ekskluzivisht nga burime të mirëinformuara tashmë ambasadori i ri i Shqipërisë në Maqedoninë e Veriut – Shkup, është përcaktuar se kush do të jetë.
Almakos mëson se bëhet fjalë për Denion Meidanin, i cili së shpejti pritet të zëvendësoj Fatos Rekën, që konsiderohet një nga diplomatët më cilësor që ka patur Shqipëria në RMV. Ndryshe, Mediani është djali i ish – presidentit të Shqipërisë, Rexhep Meidani.
Me herët, Meidani ka mbajtur pozicione në administratën shqiptare, ndër të cilat: Drejtor i Përgjithshëm pranë Ministrisë së Ekonomise, Drejtor i Kontrollit të Brendshëm pranë Ministrisë së Drejtësise, Drejtor i Monitorimit, Kontrollit, dhe Inspektimit pranë Autoritetit të Kontrollit Elektronik dhe Postar, Drejtor i Qendrës së Koordinimit kundër Ekstremizmit të Dhunshëm, etj.
