Një shqiptar 35-vjeçar është arrestuar në Itali pasi është kthyer atje pas pesë përzënieve nga shteti italian.
Hera e fundit ishte më 16 qershor të vitit të kaluar, kur nga Bolonja u dërgua direkt me avion në Tiranë.
Por, ashtu si në katër rastet e mëparshme, largimi i detyruar nga Italia nuk e pengoi të kthehej sërish atje, për t’u ndaluar nga karabinierët dje në mbrëmje, në Sant’Ilario d’Enza.
Shqiptari u arrestua pas dëmtimeve të shkaktuara në një bar dhe ofendimeve karshi pronarit.
Shqiptari, i njohur nga forcat e rendit për krime si grabitje e vjedhje, rezistencë kundër autoriteteve dhe drejtim makine pa patentë, u ndaluan nga karabinierët e njoftuar nga pronari i lokalit në qendër të qytetit, pas ofendimeve të 35-vjeçarit që ndërkohë kishte thyer disa gota dhe dëmtuar një distributor karamelesh.
