Sekretari i Përgjithshëm i NATO -s, Jens Stoltenberg këtë të hënë ka bërë një paralajmërim për Moskën që të mos përshkallëzojë tensionet në kufirin ruso-ukrainas.
Stoltenberg në deklaratën e tij theksoi se NATO mbetet fuqishëm në anën e Ukrainës.
“Duhet të shohim qartë, duhet të jemi realistë për sfidat me të cilat përballemi. Dhe ajo që ne po shohim është një përforcim i rëndësishëm dhe në shkallë të gjerë i forcave të ar matosura ruse,” ka thënë ai.
Ndër të tjera ai është shprehur se vendimi nuk ishte një sinjal i një hetimi zyrtar antitrust në Moskë. Ndërkohë lëvizjet e forcave ruse pranë kufirit me Ukrainën kanë ngritur frikën për një sulm.
Mediat e huaja bëjnë me dije se në lidhje me këtë Moska i ka hedhur poshtë akuzat si nxitëse dhe po ankohet për rritjen e aktivitetit në rajon nga forcat e NATO-s.
Stoltenberg gjithashtu theksoi se përshkallëzimi i pranisë ruse në kufi ishte i rrezikshëm pasi kufizonte mundësinë e parandalimit të një incidenti të nxehtë.
“Fakti që ne jemi dëshmitarë të këtij përshkallëzimi ushtarak në kufi, kufizon kohën e paralajmërimit midis një vendimi në Rusi dhe zbatimit të tij ushtarak me veprime agresive kundër Ukrainës”, tha ai.
