Kur ai del nga fusha të martën në mbrëmje, Cristiano Ronaldo i Portugalisë do të ketë një rekord të ri, duke u bërë lojtari i parë që merr pjesë në pesë Kampionate Evropiane radhazi.
Sulmuesi portugez ka shansin t’i thyejë dy rekorde para përfundimit të garës.
Kampionët në fuqi do të fillojnë fushatën e tyre të Euro 2020 kundër Hungarisë në ora 18:00 në Budapesti.
Ylli 36 vjeçar ka nevojë vetëm për një gol për të thyer rekordin e Michel Platini të Francës si golashënuesi më të mirë në histori të Kampionatit Evropian.
Të dy kanë shënuar nëntë gola, me Ronaldon që i arrit gjatë katër garave të fundit, ndërsa francezi i shënoi të gjithë në turneun e vitit 1984 me Les Bleus.
“Është një rekord i mirë, por më i rëndësishëm se ky do të ishte të fitosh sërish Kampionatin Evropian”, u tha Ronaldo gazetarëve të hënën.
Gjashtë gola të tjerë do ta shihnin Ronaldon të bëhej shënuesi më i mirë i të gjitha kohërave për një ekip kombëtar.
Rekordi aktualisht mbahet nga sulmuesi i Iranit Ali Daei i cili shënoi 109 gjatë karrierës së tij ndërkombëtare, ndërsa sulmuesi i Juventusit ka 104 gola në 175 ndeshje ndërkombëtare.
Në Euro 2016, Hungaria kaloi në epërsi në pjesën e parë dhe mori epërsinë përsëri, dy herë, në një barazim emocionues 3-3 me Portugalinë. Ronaldo në atë takim shënoi dy golat e fundit për portugezët.
Ndeshja e dytë e Portugalisë është kundër Gjermanisë të shtunën në Mynih dhe më pas takohen me Kampionin e Botës, Francën më 23 qershor në Budapest.
