Skenës politike në vend i shtohet edhe “Alternativa e Re”. Kryetarja e Qytetit të Shkupit, Danella Arsovska, sonte do të prezantojë partinë më të re politike në vend “Nova Alternativa” (Alternativa e Re).
Në deklaratën e dhënë për media thuhet “ Promovimi i partisë “Alternativa e Re” ku kryetare pritet të emërohet Danella Arsovska, do të mbahet më datë 17.01.2024 (e mërkurë) në orën 18:00 në sallën “Crystal” Hotel “Continental”.
Në një intervistë televizive më 5 janar, Arsovska tha se ajo ishte duke u përgatitur për themelimin e një partie politike, por nuk u përgjigj drejtpërdrejt nëse ajo parti pritet të marrë pjesë në zgjedhjet parlamentare të planifikuara për në maj të këtij viti.
