Sot në ora 7 e 15 minuta të mëngjesit policia është informuar se në rrugën “Drezdenska”, respektivisht në objektin e Kadastrës republikane, person i panjohur ka thyer dritaret e një zyre dhe brenda ka hedhur dy shishe plastike me lëng të panjohur.
Policia ka dalë menjëherë në vendngjarje, por nuk ka njoftuar nëse bëhet fjalë për tentim për djegie të kadastrës, shkruan Gazeta Lajm.
MPB njoftoi se po punohet për ndriçim të plotë të rastit.
