Tensionet Turqi-Greqi duke se po zbuten dhe po marrin një rrugëzgjidhje. Ministri i Jashtëm turk, Mevlüt Çavuşoğlu pas bisedës telefonike që bëri me homologun e tij grek, Nikos Dendias tha se është hapur një dritare e mirë për të zgjidhur problemet mes palëve.
Ai deklaroi se ka në plan që të takohet së shpejti me Dendias për t’i hapur rrugë dialogut. Më tej ai e cilësoi Dendias si një mik të mirë të tijin .
“Tani për tani, ka një dritare mundësish për një dialog më të mirë me Greqinë. Dhe ne kemi në plan të takohemi në javët e ardhshme me Ministrin e Punëve të Jashtme të Greqisë, Nikos Dendias, i cili është gjithashtu një mik i imi shumë i mirë,” tha ministri i Jashtëm turk.
Tensionet kohët e fundit në Mesdheun Lindor janë përshkallëzuar për çështjen e kërkimeve të energjisë. Turqia, vendi me vijën më të gjatë bregdetare në Mesdhe, ka dërguar anije për të eksploruar për energji në shelfin e saj kontinental, duke përmendur se Ankaraja dhe Republika Turke e Qipros Veriore (TRNC) kanë të drejta në rajon.
Por, këto kërkime kanë shkaktuar tensione me Greqinë, të cilët e kanë marrë si provokimin veprimin e Turqisë. Ndërkohë nga ana tjerët në krah Greqisë i ka dalë BE-ja, e cila ka paralajmëruar dhe vendosjen e sanksioneve ndaj Turqisë në rast se nuk tërhiqet.
