Lideri i Partisë Demokratike Shqiptare Menduh Thaçi në takimin e mbrëmshëm me anëtarësinë partiake në Dollogozhdë të Strugës, tha se qeveria e ardhshme e Maqedonisë duhet të rigjykojë rastet “Monstra”, “Sopoti” dhe “Kumanova”.
“Urgjenca dhe emergjenca për shqiptarët e Maqedonisë, është që parlamenti i ardhshëm të miratojë dy ligje për amnisti.
Ligji i parë ka të bëjë me amnistinë e shqiptarëve që i kanë ‘mbipopulluar’ burgjet e Maqedonisë, për vepra të kota dhe shumë të vogla, dhe me nenet e këtij ligji që rastet e rënda siç është Sopoti, Monstra dhe Kumanova të kenë rigjykim”, tha Thaçi.
Sipas tij gjykimet e këtyre rasteve nuk janë të drejta dhe se janë bërë për shkaqe politike.
