Gjatë një vizite në Prizren në tetor 2013, Erdogan, atëherë kryeministër, u tha dhjetra mijëra qytetarëve se Kosova ishte vendi i tij i dytë, transmeton InfoShqip.
“Të dashur vëllezër dhe miq, ne kemi një histori të përbashkët të kulturës dhe civilizimit. Mos harroni, Turqia është Kosovë dhe Kosova është Turqi, ne jemi aq afër sa që autori i himnit turk, Mehmet Akif Ersoj nga Kosova, është nga Peja “- tha Erdogan në takimin me Kryeministrin e Shqipërisë Edi Rama dhe atëherë kryeministri i Kosovës Hashim Thaçi.
Në atë kohë, qeveria serbe tha se komentet e Erdogan ishin një “shkelje e rëndë e ligjit ndërkombëtar dhe ndërhyrje në punët e brendshme të Serbisë“.
Aleksandar Vuçiq, atëherë Zëvendës Kryeministri i parë i Qeverisë së Serbisë, tha se Kosova nuk ishte Turqi dhe kërkoi falje urgjente nga Kryeministri Erdogan.
Cilat janë marrëdhëniet me Serbinë sot?
Në vitet e fundit, Presidenti i Serbisë i ka përshkruar marrëdhëniet midis Serbisë dhe Turqisë si “shumë të mira“. Erdogan ishte në Serbi dy herë, në 2017 dhe 2019, dhe Presidenti i Serbisë, Aleksandar Vučić, vizitoi Turqinë në Shtator 2020.
“Ne do të mbajmë miqësinë tonë,” tha Erdogan në 2017 në Novi Pazar, një qytet në Serbinë Jugperëndimore në rajonin e Sanxhakut.
Presidenti turk deklaroi se rajoni, i cili përbën shumicën e popullsisë boshnjake, është një nga urat më të rëndësishme që lidhin Serbinë dhe Turqinë dhe se kjo lidhje e fortë u pasqyrua më së miri në zhvillimin e marrëdhënieve dypalëshe midis dy vendeve./InfoShqip.com
