Janë shokuese pamjet e rrëzimit të një avioni luftarak F-18 mesditën e sotme në Zaragoza të Spanjës.
Siç shihet në pamjet e frikshme të sekondave të fundit përpara se F-18 të binte në tokë, avioni del jashtë kontrollit në një trajektore pothuajse vertikale derisa bie si një peshë dhe rrëzohet.
Siç shihet në pamjet, menjëherë pas rrëzimit në tokë, F-18 me dy motorë i Forcave Ajrore Spanjolle është përfshirë nga flakët.
Piloti kapi dhe vendosi sistemin automatik të shpëtimit përpara se F-18 të rrëzohej. Menjëherë pas gjetjes së tij, piloti i avionit luftarak është dërguar për trajtim mjekësor në spital, pasi sipas informacioneve të para ai ka lëndime të rënda në këmbë.
Incidenti ka ndodhur në orën 12:10 (me orën lokale) brenda kompleksit ushtarak, teksa piloti po kryente një test manovrimi me avionin. Papritur piloti humbi kontrollin dhe pasoi rënia vertikale e gjuajtësit F-18.
Piloti aktivizoi me kohë mekanizmin e shpëtimit, duke shmangur dëmtimin fatal. Por përplasja me tokën rezultoi me lëndime të rënda në gjymtyrët dhe krahët e tij si dhe në ijë, sipas raporteve fillestare.
Se ha estrellado un caza en la base aérea de Zaragoza. El piloto ha podido eyectarse antes de la colisión. Desconocemos su estado. Esperamos que no haya víctimas #Zaragoza pic.twitter.com/yvNcovcIwO
— Zaragoza Denuncia (@ZGZDenuncia) May 20, 2023
