Kandidati i pavarur për kryetar të komunës së Gostivarit, Visar Ademi, sot edhe zyrtarisht e dorëzoi kandidaturën në zyrat e Komisionit Shtetëror Zgjedhor Komunal. Pasi e bëri këtë, deklaroi se ka vendosur që të del si kandidat pasi që ka 25 përvojë pune dhe tash do mundohet që t’ua kthej të mirën qytetarëve. Shtoi se ka dalë si i pavarur që mos ketë logo partie dhe kryetar prapa krahëve.
“Më pyesin shpesh pse merresh me politikë, ke pas jetën e mirë ke pas karrierë dhe unë them, 25 vite eksperiencë, e kam nda dijen time, eksperiencën time me botën, tash ka ardhur koha t’i shpaguhen popullit tim dhe vendit tim. E kam luftuar komfor-zonën që mund t’i jap një vlerë të shtuar këtij vendi që më ka rrit, më ka zhvilluar dhe është përgjegjësi kryesor për karrierën time. Pse i pavarur, sepse unë pas nuk kam kryetarin e partisë dhe logon i kam njerëzit dhe qytetarët, dhe mundohem të fus një kulturë të re ku do të ketë në fokus, ku nuk do t’i shërbej militantit partiak, po t’i shërbej qytetit”, tha Visar Ademi – kandidat i pavarur për kryetar të Gostivarit.
