Khabib Nurmagomedov ka lëshuar një paralajmërim se ai mund të rikthehet në UFC, pas pensionimit që bëri në fund të vitit të kaluar. Dagestanezi u larguar nga sporti i arteve marciale të përziera në fitoren dominuese ndaj Justin Gaethjes në UFC 254 në tetor të vitit 2020.
Presidenti i UFC-së, Dana White është duke punuar që Khabib të rikthehet sërish në oktogon dhe të vazhdojë për së paku edhe një meç. Kreu i MMA-së po tenton që të organizojë një rimeç mes kampionit në fuqi dhe Conor Mcgregorit, me këtë të fundit që më pas do të tentojë të përkushtohet në karrierën e tij në boks.
Dhe tani The Eagle është shfaqur me një paralajmërim se ai mund të rikthehet në UFC përmes një mesazhi në rrjetet sociale.
Ai shpërndau një fotografi, aty ku shihet me ish-shefin e UFC-së, Lorenzo Fertitta me një mbishkrim: “Ishte mirë që të pash Lorenzo”, derisa shtoi: “Dana White më dërgo lokacioni”.
White po shpreson që gjatë këtij viti, Khabib të takohet me McGregorin dhe të luftojnë për titullin e kampionit në peshat e lehta.
