LSDM dhe Zoran Zaev po përzgjedhin vetëm prokuror dhe gjykatës të dëgjueshëm të cilët do të punojnë që ta mbrojnë krimin dhe korrupsionin, thonë nga VMRO DPMNE-ja opozitare. Anëtari i Komitetit ekzekutiv të partisë opozitare, thotë se sistemin gjyqësor nuk mund ta reformojnë njerëz që asnjëherë nuk kanë punuar si gjykatës.
“Nëse Mariçiq dëshiron të merret me reforma, i propozojmë të merret me këta çështje:
1. Përse prokuroria nuk është prononcuar për 30 paraqitjet penale për krim zgjedhor gjatë zgjedhjeve të parakohshme parlamentare?
2. Përse Ruskoska nuk po e pastron rastin me ekspertizën e telefonave në rastin “Zhvatja”?
3. Deri ku është rasti për Den Donçev?“- u shpreh Stefan Andonovski.
Pasi pushteti në bashkëpunim me Këshillin gjyqësor dhe prokurorinë, promovoi idenë për reforma, konferencat për media të opozitës nuk kanë të ndalur. Vlerësimi i prokurorëve do të bëhet në periudhë gjashtë mujore, e do të fillojë nga janari i vitit të ardhshëm.
E në gjykata, do të vlerësohen dhjetë lëndë, pesë prej të cilave do të përzgjidhen nga sistemi kompjuterik.
