Presidenti i Serbisë, Aleksandar Vuçiq, ka thënë se është për arritjen e një marrëveshje me Kosovën, por jo brenda këtyre kufijve.
Presidenti serb, Aleksandar Vuçiq, ka thënë se arritja e nje marrëveshjeje me Kosovën do të ishte një arritje e rëndësishme për të ardhmen e qytetarëve, mirëpo sipas tij, një marrëveshje siç pretendon pala kosovare brenda kufijve aktual, do të ishte e pamundur.
“Si të gjejmë një zgjidhje nëse dikush thotë “Duhet të na pranosh brenda këtyre kufijve dhe kjo është zgjidhja e vetme?”. Përpara kësaj, kufijtë u bënë në kurriz të Serbisë ashtu siç dëshironin. Nuk ka as një pjesë perëndimore të përgjigjes publike që thonë “Vazhdoni”, u shpreh Vuçiq.
Sipas tij, Kosova është një territor i rëndësishëm dhe se pjesa më e rëndësishme e territorit ku jetojnë serbët duhet të kujdesen dhe të luftojnë për mbijetesën e tyre.
Vuçiq thotë se nuk do të kishte konsideruar si një humbje personale nëse nuk do të arrihej marrëveshje me shqiptarët gjatë mandatit të tij, por kjo do të ishte një arritje e rëndësishme për të ardhmen e Serbisë dhe e mirë për qytetarët.
Sipas Vuçiqit, amerikanët gjithmonë kanë qenë të përfshirë në negociata dhe se pa ta, rusët apo edhe forcat e tjera është e vështirë të arrihet një zgjidhje.
