Vuçiç i kthehet Kurtit: Kufijtë nuk na i cakton ti

Presidenti i Serbisë, Aleksander Vuçiç ka komentuar sot intervistën e kryeministrit të Republikës së Kosovës, Albin Kurti të dhënë për gazetën vjenezë “Die Presse” e ku ka thënë se kufiri në mes të Kosovës dhe Serbisë është bërë kufiri në mes të NATO-s dhe Rusisë.

Vuçiç ka thënë se “nuk e di që Kosova i është bashkuar NATO-s”.

“Serbia ka kufijtë e saj, as të Rusisë as të NATO-s, por të saj, që janë vendosur nga Rezoluta 1244 e Kombeve të Bashkuara. Kështu që thuaj çfarë të duash dhe si të duash, provo të na vendosësh neve diku ku s’jemi dhe vetën tënd diku ku s’je. Ne kemi vendin tonë, për të cilin jemi krenar, Serbinë. Ti s’na i cakton kufijtë, por ligji ndërkombëtar”
, ka thënë Vuçiq në kundërpërgjigjen e tij ndaj kryeministrit Albin Kurti, shkruan Kosovo Online, transmeton Gazeta Express.

Sipas presidentit serb, deklarata e Kurtit “është një mesazh tjetër politik dëshpërues përmes të cilit Kurti e prezanton veten si një viktimë, si Zelenski i ri”.

“Nuk jam merak, kam gati një vit që dëgjoj budallallëqe, sa të duash, është e imja të udhëheq Serbinë, si vend i pavarur, sovran, i lirë dhe liridashës dhe jam krenar që po bëjmë atë”, ka thënë Vuçiq.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu