Presidenti serb Aleksander Vuçiç ka deklaruar se s’ka pasur tensione në takimin e liderëve të Procesit të Bërdo-Brionit, por pikëpamje të ndryshme mes tyre për Kosovën.
“S’kishte tensione, vetëm dallime dhe ato s’janë tensione. Kishte dallime sa i përket Kosovës, ne kemi pozicione të ndryshme. Gati të gjithë me përjashtim të serbëve të Bosnjës, njohin pavarësinë e Kosovës. Ne nuk e kemi njohur dhe nuk do ta njohim. Ka gjithashtu dallime rreth Bosnje e Hercegovinës. Gjithçka ishte e civilizuar dhe normale. Folëm edhe për situatën e vështirë të energjisë në të cilën ndodhemi të gjithë”, tha Vuçiq para gazetarëve.
Ai komentoi atë që ai e quajti “strukturën” e re të dialogut mes Beogradit dhe Prishtinës.
“Do të ketë shumë ardhje dhe largime të ekspertëve të ndryshëm për dy gjëra: askush nuk dëshiron një konflikt të ri në Ballkan, kjo është një gjë, dhe tjetra që njerëzit e nënvlerësojnë, dhe kjo është e vërteta, ata duan të marrin argumentin e Kosovës. nga duart e (Vladimir) Putinit, të cilin ai e përdori në bisedimet me fuqitë perëndimore dhe do të thoshte: ‘Nëse ju mund të krijoni një precedent me Kosovën, mundem edhe unë. Ata duan t’ia marrin atij… Ky është thelbi pse nxitojnë”, ka thënë Vuçiç.
Siç tha ai, u miratua një konkluzion i përbashkët prej gjashtë pikash që rikonfirmon mbështetjen për rrugën evropiane të Ballkanit Perëndimor.
“Liberalizimi i vizave për të gjithë në rajon, dhënia e statusit kandidat për BiH-në dhe ajo që është e rëndësishme për ne është të kërkojmë mbështetjen e BE-së për shkak të situatës së vështirë energjetike në të cilën u gjend Ballkani Perëndimor si dhe e gjithë Evropa ”, tha Vuçiç.
