Presidenti i Serbisë, Aleksandar Vuçiq, komentoi deklaratën e Presidentit të Komisionit për Punë të Jashtme të Dhomës së Përfaqësuesve të SHBA.-së, Eliot Engel. “Ishte një deklaratë që Serbia nuk do të pranohet në BE derisa të njohë Kosovën, tha ai sot.
“Ju mund ta shihni sa të drejtë kisha kur fola për të dy javë më parë”, thotë Vuçiq duke shtuar: “Ne duhet të kujdesemi dhe ta dimë se ata janë njerëz të rëndësishëm. Shpresoj që administrata vetë do të ketë një qëndrim pak më të ndryshëm në lidhje me atë që u deklarua dje në Dhomën e Përfaqësuesve. Detyra jonë është të zhvillojmë politikën tonë, të kuptojmë mirë.”
Ndërsa ai thekson më tej, Serbia do të përballet me presione edhe më të mëdha dhe do të gjendet në një situatë të vështirë. “Ajo që më pengon, nuk mund të them se më shqetëson, është se disa në Serbi gëzohen duke menduar se kjo është drejtuar kundër meje. Nuk është. Është e drejtuar kundër të gjithëve në Serbi,” shtoi ai.
Kreu i Serbisë pret presione të mëdha rreth Republikës Serbe dhe Kosovës, “megjithëse ato presione nuk kanë qenë të dobëta edhe më parë”. “Tani do të jetë edhe më e vështirë”, përfundon ai.
Vuçiq gjithashtu thotë se është detyrimi i tij të mbrojë Serbinë, dhe kjo është arsyeja pse ai nuk do të thotë asnjë fjalë të shëmtuar për Eliot Engel dhe Madeleine Albright. “Po të nënshkruaja aktin e pavarësisë së Kosovës, unë garantoj se do të merrja Çmimin Nobel për Paqe,” theksoi Aleksandër Vuçiq.
